October 27, 2024 - Stairway to Gen.Luna

Ok kwento: Hindi ako sure kung need ko pa ikwento 'to kasi cringe. Wala namang kabuluhan. May ma-i-entry lang. Sayang eh. Sulitin ang monetization. Hehe.

Nag-pre-dent ako sa UB (University of Baguio) year 2012-2015 pero before ako magenroll ng dentistry, i used to work sa isang homebased call center sa Baguio rin starting year 2008. So medyo matagal tagal rin pala ako nag-stay ng Baguio and i can say, Baguio City was my second home. And nung bumaba na ako to continue my Dentistry proper sa VMUF (Virgen Milagrosa University Foundation), nagkaroon ako ng mild sepanx because i left my heart in Baguio. Chariz! Drama. Naka-move on na ako. Hahaha!

Anyway, yung stairway naman kasi ang talagang topic dito. Na-miss ko lang yung naging buhay ko sa Baguio as a student. And itong stairway na ito from Upper Bonifacio St. paakyat ng Gen. Luna lang naman ang inaakyat ko araw-araw noon papasok ng school. Hindi basta-basta ang stairway na ito dahil matarik! Kung 1st time mo akyatin ito talagang hihingalin ka at kinabukasan, sasakit ang mga binti mo. Idagdag mo pa kung wala kang regular exercise. Ewan na lang kung di ka pa humandusay diyan.

Imagine my used to daily routine noon. After mo malagpasan yang stairway na yan, kailangan mo pang maglakad ng ilang kilometro papunta ng RCB building for your 1st class nang pagka-aga agang 7am, sa 7th floor! Uy ang galing, sira yung elevator! Hahaha! No choice. Use the stairs! 🤷🤣

Ang mga tao sa Baguio, sanay sa akyatan at babaan at pakalayo layong lakaran. Kahit gaano pa katarik, basic na lang ito sakanila. Ito yung nami-miss ko sa Baguio, yung nate-train yung cardio mo. Ang sarap maglakad lang dahil malamig. Papawisan ka ng konti pero hindi gaano nakakapagod kahit napakalayo pa. Sarap din ng tulog after.

After almost 10 years, nadaanan ko na ulit itong stairway na ito. Infairness naayos na yung pagkakasemento. Naging pulido. Hindi na bitak bitak. Medyo lumuwag na yung bawat step. At hindi na madulas, for sure. Lalo na kapag umuulan. Actually sikat itong stairway na ito. Eto nga nagpapicture pa ako oh! Hahaha!

October 5, 2024 - Angel's

A day in a life of a reklamadora?? Hahaha. Wala naman ako masyadong reklamo. Gusto lang kitang i-redirect dito tapos pindot pindutin mo yang mga ads na nakapalibot dito! Chariz! 🤣

Kidding aside. Reklamo sa Angel's Pizza?? Sa quality at lasa ng mga pizza at nung garlic parmesan wings wala akong reklamo. Masarap at bagong luto lagi at masarap nga yung Garlic Parmesan Wings nila ifurrr! Pero sa napakatagal nilang i-serve ang mga orders! Jusmiyo! Una sa Assada Centre, ayun dun kami una umorder ng pizza. Ubos na daw ang mga chicken and pasta nila. So pizza lang ang na-order for take out. Napakatagal as expected, oo alam na namin laging ganun dun kasi napakarami din kasi nilang orders in line. Sige okay lang, pagbigyan. So naisipan namin pumunta ng branch nila sa Lucao, yung bagong bukas lang. May dine in tables, maraming tables and chairs pero napakarami ring taong kumakain! Ay sus! Mas malala. For only our order of garlic parmesan wings, yun lang, umabot ng isang oras! 🥲

October 2, 2024 - Pho & Banh Mi

Ok kwento: On November 9, 2023, kumain ako mag-isa sa "D' Original Vietnamese Bread" dito lang malapit sa amin. Oo, "D' Original Vietnamese Bread" ang pangalan nung kainan na yan. Yan yung nakalagay sa karatula nila. And obviously Vietnamese dishes ang sineserve diyan. Particularly, Pho at Banh Mi, as their business name suggests.

Matagal na itong Vietnamese kainan na ito sa Dagupan. Dito ko din first time makatikim ng vietnamese dishes. I think around year 2004-2005 unang na-introduce sa akin ni Ate Jing (ex-gf ng pinsan ko) itong vietnamese kineme na ito. Sikat ito nung panahon na yun actually dahil naalala ko pati yung bespren ko na si Jeeboy dinala din niya ako dito. Then yung mga pinsan ko laging nag-a-ayang bumili ng vietnamese bread dito.

Maliit lang itong pwesto na ito dati. Meron lang isang food display na stainless steel na may glass na siguro 1-2 meters wide kung saan nakadisplay yung mga baguette and yung mga fillings and condiments on each container. Just like sa authentic streets ng Vietnam na nagseserve ng vietnamese bread. Tapos may isang set lang ng monoblock na table and chairs. So maliit lang talaga siya. Usually kasi for take out lang talaga sila.

Ang nasagap kong chika about dun is, ang original na may ari nun noon is isang Vietnamese na nakapangasawa ng pinay dito. So siya din ang nagluluto at ang gumagawa ng lahat ultimo yung baguette from scratch. Ngayon, wala na daw yung Vietnamese dito. Di ako sure kung nategi na or bumalik na ng Vietnam. Humina ang radar ko sa chismis besh, pasensya na. Hahaha. Anyway, so iba na nga ang may ari ngayon, pinamana na lang daw yung recipe sa kung sino man ang may ari ng pwesto ngayon. Bagong pwesto na rin itong pwesto nila ngayon, lumipat na sila sa mas maraming tao at establishments. Though malapit lang naman nilipatan, dati kasi nasa Bonuan Gueset sila, ngayon sa Arellano na. Sorry sa mga hindi nakakarelate na nagbabasa nito. 😁

So ang verdict nga pala about sa food, dati, oo ang sarap yung pho at vietnamese bread nila noon! Ang layo sa lasa, texture ng baguette and sa ingredients noon na ginagamit nila sa ngayon. Kulang kulang na rin ng ingredients, specially yung mga herbs and spices na dati nilalagay nila. Ngayon tinipid na eh. So-so na lang sila ngayon. Though di naman natin sila masisisi kasi wala na nga yung original na Vietnamese na gumagawa noon. I can compare kasi i have been to Vietnam na din, ate their authentic foods kaya don't tell me na ang arte ko naman! Charies! 🤣

So if you'll ask me if i'll eat there again or buy their vietnamese bread again? Sure! Okay naman eh. Ano lang kasi, nakaka-miss lang siguro yung authentic and original. 😊