June 16, 2025 - Lasang Tanga

Habang yung isa puyat nang kinikilig, yung isa puyat na naghihintay sa wala. Sarap ma-fall sa taong hindi ka naman gusto, ano? Anong lasa? Hahahaha!

June 13, 2025 - Vunong

Ok, kwento: Trinay? Ni-try? We tried? Hahaha. Ah basta. Sinubukan namin ni ser i-experience yung "vunong" sa "Vunong at Jessica's Place" sa Batanes.

"Vunong" nga pala refers to a traditional meal ng mga taga Batanes. Wrapped ito ng breafruit leaves. Ang unique niya kasi di ba mostly ang common na alam nating pinangbabalot ng mga native foods ay dahon ng saging o kaya yung wineave? Ni-weave? Woven? Hahaha!!! Ah basta yung hinahabi na tuyong dahon ng coconut leaves gaya ng ginagamit sa pambalot ng "patupat" sa pangasinan or "puso" sa cebu.

Yung vunong sa jessica's place, isang set na siya na iseserve sayo. Walang ibang tanong kundi, 'ilan?'. Walang ibang menu kundi yun lang. Matic. Nakakahiya nga nung pumunta kami ni ser dun, pasado 8pm na yata. Pa-closed na sila. Hinihintay na lang yata nila matapos yung mga naunang kumakain. Pero ambait nila kasi winelcome pa rin kami at kung okay lang ba daw na maghintay kami kasi naubusan na yata ng sila supplies. Kinailangan pa daw nila magprepare ulit. Huhu. Soafer nakakahiya. Pero mababait talaga sila dun. Lahat ng locals sa Batanes napakafriendly.

Detailed component ng vunong, composed siya ng traditional turmeric rice, tapos may different kinds of meat. May beef tapa, may fish, may meatball, may Ivatan-style preserved pork na ang tawag daw ay "lunyis". Tapos lahat yan nakabalot sa Nakapalaking breadfruit leaves. Yung meal set may side dish nang kasama na parang beef soup na may pako leaves. Di namin alam ang tawag pero para siyang beef nilaga. Tapos may pako salad at "wakay" (kamote) pancake as dessert. Ang verdict? Siyempre masarap. As you can see sa reactions namin ni ser sa 10-minute vlog ko. Watch niyo, huwag na kayo mahiya. Hahahaha.

Food: 9/10

Service: 10/10

Ambiance: 9/10 (Very home-y. Presko! Actually bahay talaga siya ng may-ari. Malamang si madam Jessica 😁 Tapos ang dining nasa parang side garden nila. Limited ang tables and chairs na napakabigat dahil gawa yata sa narra o molave. Sosyal! ☺️ Pang small crowd lang talaga which we liked kasi parang napaka-private, napaka-peaceful at natututukan nila yung quality ng sineserve nila nang hindi rin nagmamadali. Plantita si madam Jessica! Ang daming halaman! Ang daming orchids! Ang gaganda! Also as a nagmamarunong na plantita, i know, ang mamahal ng mga halaman nila. Downside lang ng maraming halaman sa bahay? Malamok! Sinindihan nga kami ng katol (iykyk 😁) Pet-friendly din sila kasi may pet dog sila na friendly din. 😊

Ok, side kwento: May pinagkukwentuhan kami ni ser about sa kundol na nakain namin earlier this day nung nag-lunch kami somewhere during our tour. Haha. Wala lang. Share ko lang. Nasa vlog. Turn on the subtitles na lang para maintindin niyo kasi may mga parts talaga na hindi ko naiintindihan pinagsasabi ni ser. Hahaha. Yun lang. Andami ko pang gustong sabihin dito eh pero, masakit na ulo ko. Itulog ko na muna. Till my next blog. Magbasa kayo! Na808080 na tayo dahil di na tayo nagbabasa eh. Puro na lang reels! Puro tiktok! True? True! K, see yah! Peace! ✌️

May 16, 2025 - PRC

Ok, kwento: So kanina nga sa PRC office nung nagpaparenew ako ng ID, amoy na amoy beh buong office yung kwan. So bigla ako nag-crave ng shawarma. Tapos right outside sa office ng PRC may Turks! Hahaha! Yung manifestation and asking for signs ko talaga laging binibigay ni Lord pero yung makita yung crush ko in person ayaw Niya ibigay! Char! 🤭

P.S. Kung makita niyo man ako somewhere kumakain mag-isa, yes i'm lonely kaya buntukan niyo ako ng pera para sumaya naman ako. 😊

May 12, 2025 - Post-elections

Post-elections.

Bread House Resto

Ambiance: 9/10 (interior+posterior)

Parking: 8/10 (important 'to sa mga kainan, believe me)

WC: 5/10 (pang isahan lang ang CR? Nasad ako 🙁)

Customer Service: 9/10 (servers+security guards outside)

Food: 7.5/10 (presentation), 6.5/10 (taste)

Babalikan?: Sure! Di ko pa natikman lahat eh. Malay niyo tumaas ang 6.5/10. Hinahanap ko yung wow factor pero i'm sure may i-i-improve pa sila when it comes to food. Di ba nga foodie ako??? Hahaha!

Disclaimer: Sariling opinion ko lang 'to. Huwag kang ANO diyan! 🤣

May 11, 2025 - Late Additional Upload (Tawi-Tawi)

Ok, kwento: If may maishe-share man akong isa sa mga realizations ko from my previous travels, eto:

1. Take a lot of pictures and videos! As in, a lot and as much as possible, just shoot anything and everything! But don't forget to ask for permission if necessary. Nevermind the aesthetics! Just shoot! Also prepare your memory banks if you want to do this.

2. Upload agad ng pictures and videos on your socials if you had a chance and access sa internet! Mas mahirap magupload kapag nakauwi ka na kasi tatamarin ka na and may possibility na macorrupt ang files mo. Mawala pa lahat niyan sa sobrang dami! Hahahaha! Been there, done that! Hahahaha!

What's in these photos:

1.Mi Goreng (yes, malapit na ang Tawi-Tawi sa Malaysia kaya mga Malaysian foods na halos dito)

2. Yung kakanin na hindi ko na maalala ang tawag (see? Eto yung sinasabi ko na dapat upload agad! 🤣), pero ang sarap niyan, naka apat yata ako niyan 😁

3. Yung giant centepede sa Bud Bongao ecopark. May mountain trail diyan na may mga unggoy sa peak. Di ko na inakyat dahil ang tuhod ko gurl, baka uugod ugod na ako kinabukasan at baka hindi ko maenjoy ang Sulu, Basilan at Zambo kapag pinilit kong akyatin yan. 🤣

4. Yung Tawi-Tawi airport. Napakasimple ng airport nila. Siguro naman soon kapag dumami na ang tourist maiimprove and mapalaki na rin siya.

5. Yung scenery from window seat. Yung mga islands, amazing! Pabalik yan to Zambo from Tawi-Tawi. Day 3 pa lang ito. 5 days to go pa! Hahahaha

Di pa ako tapos mag-upload! Tinatamad na ako! Hahaha! Marami pa! Wait lang kasi. 😄

May 7, 2025 - Huwag Tanga

Kung gusto talaga niyang makita ka, gagawa at gagawa yan ng paraan para makita ka lang. Napakadali namang makipag kita sa'yo. Dentista ka. May clinic ka. Ano ba naman yung isang araw mag-chat siya sa'yo sabihing, "Doctora, pa-schedule nga ako ng cleaning."

Kung gusto talaga niyang kausapin ka, matagal na niya yang nagawa. Ang daming means and ways para maka-usap ka. Friends kayo sa FB, IG, nakasubscribe din sa YT mo. Yung mag-initiate ng simpleng hi, hello, wala??

Hahahahaha! Huwag tanga!

February 27, 2024- Shakshuka

Ok, kwentuhan na may kasamang luto: For the past months, yes, months, lagi na lang tayong puyat. Yung reason, madami. Kesho may pinapanood akong kdrama, nageedit ng videos, natulog kasi ako between 6pm till 9pm, scroll scroll lang ng sa phone, o may hinihintay ako mag-chat (tho alam ko naman di talaga siya unang nag-cha-chat). Charr! So ayun, madalas 3am na ako nakakatulog tapos gigising ako ng before mag-8am.

Itong pagpupuyat ko, narealized ko lang na mas lalo akong nag-ge-gain ng weight. Tama nga si tita. Kahit anong gawin kong exercise, kung lagi naman puyat, wala din. Napaka-unhealthy ng lifestyle ko. Tapos for the last few days, napaparami ang rice ko. Ewan, lagi na naman akong gutom. Tapos yang mga cravings na yan madalas nasusunod. Hehe. Oo kasalanan ko din. Try ko baguhin. I-uncrush ko na yung crush ko para hindi ko na siya hintaying mag-chat sa akin! Charizz! Hahahaha!

Wala naman masyadong ganap. Kaya nga 'A Day In A Boring Life of Garps' ang title ng blogsite na ito. Hehe. Gusto ko lang kayo i-direct dito sa Blogger site ko. Dito may embedded video nung full vid ng Shakshuka. Play niyo na lang. Hahaha. Or kung gusto niyo sa Youtube mismo, pwede naman. Magsubscribe na rin kayo. Hahaha! Thank you thank you.